Віншуем са Святам Перамогі!
Дырэкцыя і Праўленне Бізнес саюза прадпрымальнікаў і наймальнікаў імя М.С.Куняўскага віншуе ўсіх са Святам Перамогі!
Найперш шчыра дзякуем і зычым здароўя ветэранам Вялікай Айчыннай вайны. Ваш гераізм і самаахвярнасць дапамаглі вярнуць мір на шматпакутную беларускую зямлю.
Самая страшная ў гісторыі чалавецтва вайна пакінула след у кожнай сям’і. Мужнасць і самаадданасць нашых дзядоў і прадзедаў дапамаглі выстаяць, перамагчы і аднавіць разбураную гаспадарку. 9 Мая – свята, якое аб’ядноўвае нас і робіць непераможнымі перад любымі выпрабаваннямі.
У гэтыя светлыя майскія дні ўсім суайчыннікам жадаем добрага здароўя, святочнага настрою ды ўпэўненасці ў заўтрашнім дні.